Goiko Lastola Sagardotegia (Hernani)

Data: 2008/03/01 (larunbata)
Prezioa: 29 euro
Irekiera: urtarriletik apirila bukaera arte.
Zerbitzua: ostegunetik igandera irekita. Asteburu eguerditan ere irekita.
Telefonoa: 943 55 32 72
Helbidea: Lastaola Baserria, Ereñozu Auzoa 89, Hernani
Puntuazioa: 8,5/10


Goiko Lastola Sagardotegia, Hernani map - Tagzania

Sagardotegia Hernanitik nahiko urrun dago, 3 bat kilometrotara, Osiñaga auzoa pasa eta gero (Altzueta, Iparragirre eta Elorrabi sagardotegiak pasa eta dezentera dago Goiko Lastola). Hernaniko Udalak autobusa jartzen du haraino, bai ostiral bai larunbatetan.

Aspalditik joan nahi genuen Goiko Lastolara, baina hain urrun egonda, ez zen batere erraza. Azkenean, aurten, autobusarekin, bisitatu dugu eta oso-oso ondo dago.

Lekua

Txikia da, baina xarmaz beterik. Oso dekorazio polita dauka, ikutu "errustikoa"rekin, alegia. Zutabeak eta sapaia egurrezkoak ditu, eta kupelak ere oso autentikoak dira, txiki-txikiak eta zaharrak (inosidable baten bat kenduta).

Kupelak

Kupelak mahien ondoan daude, baina nolabait pixkat aparte badaude, arkupetxo edo ate zabal bat dagoelako bi zonaldeak banatzeko. Egurrezko 7 (horietako bat hutsik) eta inosidable 2 zeuden. Egurrezko guztiak irekita zeuden, baina inosidableetatik bakarrik bat zuten zabalik. Txotxerorik ez zegoen, eta beraz, beste bi inosidableak ez zituzten ireki.

Sagardoa oso arrunta zen, zapore eta txispa gabekoa. Gainera, kupel guztiek oso zapore antzekoa zuten.

Ogia

Nahiko goxua, baina ez zen Hernaniko ogi tipikoa. Hala ere ondo zegoen.

Txorizoa edo aperitifa

Bai!! Jartzen dute, txorizo mutur bana! Eta oso goxua gainera.

Tortilla

Ez nuke esango txarra zegoenik, baina bai oso makailu gutxi zeukala. Zaporez normala zegoen, eta gutxi eginda zegoen, bazirudien tortilla frantsesa arrunta.

Makailua

Goxua zegoen, eta kantitate nahiko handia jarri ziguten. Piper eta tipula gutxi jarri zuten, baina orokorrean zapore oso goxua zeukan.

Txuleta

Aspaldi ez nuen halako txuleta bat jaten!!! Mundiala!! Talde handi bat ginen eta 5 txuleta atera zizkiguten, zein baino zein goxuago... oso haragi xamurra, zaporetsua, bigun-biguna (hau da, "mantekilla", neri gustatzen zaizkidan bezalaxe)... ez dakit Tolosako "Casa Julian"-eko txuletak nolakoak izango diren, baina Goiko Lastolakoak maila berean daude ziurrenik. Benetan, sagardotegi honek bisita merezi du haragiarengatik, apartekoa da.

Postrea

Gazta, irasagarra eta intxaurrak aparte, tejak eta zigarriloak ateratzen dituzte!! (eskuzabalak dira gero!!) Gainera, tejak eta zigorrilloek etxekoak ziruditen, behintzat "Ezeiza" edo horietako markakoak ez ziruditen.

Gazta oso goxua zegoen, baina ez dakit Idiazabal zen ala ez. Aparte, intxaur asko atera zizkiguten... erdia baino gehiago utzi genuen!!

Ah, eta kafea eta kopak ere ateratzen dituzte, detaile bat da.

Puntuazio orokorra

8,5 10etik

Rufino Sagardotegia (Hernani)

Data: 2008/02/16 (larunbata)
Prezioa: 25 euro
Irekiera: otsailaren hasieratik martxoaren bukaera arte
Zerbitzua: afariak egunero. Igande eta astelehena itxita
Telefonoa: 943 55 27 39
Helbidea: Akarregi Baserria. 20.120 Hernani
Puntuazioa: 5/10



Rufino Sagardotegia, Hernani map - Tagzania


Sagardotegia Hernanitik oso gertu dago, eta oinez 5-10 minututan iritsi daiteke. Kanpotik nahiko "kasta" dirudi eta aspalditik joan nahi genuen, baina bakarrik bi hilabetez irekita daukate eta beste urtetan ezin izan gera joan. Behingoz lortu dugu!

Prezioen zerrenda

Lekua

Barrutik nahiko berrituta daukate, baina ez da moderno-moderno horietakoa. Lurrean azulejo nahiko itsusiak eta sabaian fluoreszente dezente dauzkate, baina bere xarma badauka "mitiko" itxura ematen diolako.

Kupelak

Kupelak jantokitik aparte daude, beste txoko batean. 9 inosidable daude eta lauzpabost egurrezkoak. Kupel guztiak itxita zeuden, baina eskatuz gero txotxeroak irekitzen dizkizu. Nahiko sagardo arrunta zen, eta kupel guztiek zapore bera zeukaten, nahiko zapore gutxikoa.




Kupeltegia nahiko bitxia da, pabiloi moduko zonalde bat da, baina berez lehen kalea zen eta pabiloia lehengo baserrira itsatsi dute.

Ogia

Hernaniko ogia, beti-betiko, oso goxua.

Txorizoa edo aperitifa

Ez dute jartzen

Tortilla

Oso txikia jarri ziguten, baina goxua zegoen. Plater txiki-txiki batean atera ziguten, eta argazkian ikusten denez, 2 pertsonentzako nahiko eskasa zen.

Makailua

Oso itxura ona zeukan, eta testura ere kristona zen, baina... zapore gutxi zuen. Ez dakit zergatik, baina itxura eta zaporea ez zetorren bat. Piperrak goxuak zeuden, baina ez zioten makailuari falta zitzaion zaporea ematen. Behintzat errazioa nahiko handia zen.

Txuleta

Zero patatero. Aspaldi ez degu hain txuleta txarra jan. Beno, txuleta deitzea ere ez nuke esango... entrekot potolo eta oso egina zirudien. Gainera, txikia zen!!

Postrea

Ondo zegoen, nahiko errazio handia zen eta, behintzat, gazta Idiazabal zen.






Intxaur dezente ateratzen dituzte eta azkenean batzuk utzi behar izan genituen eta guzti. Hala ere, jan genituenen oskolak linean jarrita, asko dira, eh!!

Puntuazio orokorra

5 10etik

Elorrabi Sagardotegia (Hernani)

Data: 2008/02/02 (larunbata)
Prezioa: 28 euro
Irekiera: urtarril erdialdetik udara bitartean
Zerbitzua: bazkari eta afariak egunero. Itxita igande gaua eta astelehen eguerdia.
Telefonoa: 943 33 69 90
Helbidea: Elorrabi Baserria. Osiñaga auzoa. 20.128 Hernani
Puntuazioa: 8/10


Elorrabi Sagardotegia, Hernani map - Tagzania

Sagardotegia nahiko galduta dago, Osiñaga auzo bukaeran, baina autobusak daudenez, ez dago arazo handirik hara iristeko. Hala ere, bitan izan gera, eta bigarren honetan ere oso jende gutxi zegoen. Sagardotegia ez dago gaizki, baina ez dakigu zergatik arrakasta gutxi daukan... errebindikatu dezagun Elorrabi!!

Lekua

Nahiko autentikoa da, baserri mitiko horietakoa, batez ere atzeko aldea ikusten badezute: desguaze bat ematen du, dena txatarraz beterik...

Hau da atzekaldeko desguazea:



Badauka bere xarma, eta jantokia autentikoa da (hotza, zikina eta hormigoizkoa). Gainera hango zerbitzaria nahiko monster familiarena da.

Kupelak

Jantokian bertan egurrezko 4 kupel eta 3-4 inosidable dauzkate. Egurrezkoetatik 3 jarraian irekita zeuden, eta txoteroak noizbehinka besteak irekitzen zituen. Oso sagardo ona zen otsail hasieran izateko, oso suabe eta zaporetsua ere. Bazkaltzen bukatu genuenean atzekaldera eraman gintuzten (desguazera) eta han beste kupel batzuk bazeuzkaten, fibra-bidriozkoak. Hango sagardoa ere oso goxua.

Ogia

Ah, Hernaniko ogia!! Hori gutizia! Oso goxua zegoen. Ez dakit zein okindegin egingo duten, baina mundiala dago.

Txorizoa edo aperitifa

Ez dute jartzen

Tortilla

Nahiko eskasa zen, bost pertsonentzako horrelako tortilla bat oso eskasa zen. Hala ere, goxua zegoen, baina oso tortilla "klasikoa" zen, hau da, makailuzkoa eta punto.

Makailua

Tortilla ez bezala, razioa pixkat handixeagoa ba zen (razio bakarra atera ziguten), baina pixkat gatzatua bazegoen. Hala ere, neri gustatu zitzaidan, baina "mahaikideei" ez hainbeste. Gatzaren kontua gero ulertu genuen ikusita non izaten zituzten makailuak (inosidable baten barruan)



Hemen gordetzen zuten makailua... ay ay ay...

Txuleta

3 txuleta atera zizkiguten, eta hirurak oso onak. Haragia oso samurra eta beltz-beltza zegoen, benetako txuletak bezala. Txuleta bakoitzeko 19 euro kobratu zizkiguten, baina merezi du.

Postrea

Nahiko normala. Gazta ere ez zen idiazabal, baina gaizki ez zegoen.

Puntuazio orokorra

8 10etatik