martes, 10 de junio de 2008

Donosti Sagardotegia (Errenteria)

Data: 2008/06/09 (ostirala)
Prezioa: 24 euro
Irekiera: urte osoan irekita. Sagardoa botilan.
Zerbitzua: bazkariak eta afariak astean zehar. Asteburutan afariak bakarrik.
Telefonoa: 943 526 041
Helbidea: Zamalbide kalea 8. Errenteria
Puntuazioa: 7/10



Donosti Sagardotegia, Errenteria map

Donosti Sagardotegia (edo "Jokinena", beste batzuek ezagutzen duten moduan) ez da jatorrizko sagardotegi tipiko horietakoa, hau da, ez du sagardoa ekoizten eta "patapalozko sagardotegien" atalean sartu beharko genuko.

Hala ere, nahiko "kasta" da eta sagardoa kupeletan izan ezik, ez dago alde handirik benetako sagardotegi batekin alderatuz gero: lekua garajea da (bai, garaje bat), kartarik ez dago (menua zerbitzariak kontatzen dizu) eta janaria kategorikoa da.


Lekua

Lehen esan dugun bezala, garaje bat zen, eta oraindik atea ikusten da. Jantokia oso txikia da, 40-50 lagunentzako, eta dekorazioa nahiko "errustikoa" daukate, benetako sagardotegi batekoa imitatuz.








Kupelak

Hiru kupel txiki dituzte, benetako kupelak, baina ez dut uste bertan sagardoa ekoizten dutenik.


Guri sagardoa botilatan atera ziguten, Petritegi etxekoa (nahiko ondo zegoen)


Ogia

Nahiko normala, edozein okindegitan aurkitu daitekeena.



Txorizoa edo aperitifa

Gure kasuan urdaiazpiko platerkada ederra atera ziguten, baina ez diote edonori ateratzen. Jabearen ezagun batzuekin joan ginen, eta horregatik hain eskuzabal izan ziren (asko eskertu genion, ederra zegoen)



Tortilla

Kriston tortilla puska atera ziguten lau lagunentzako, oso lodia. Zaporez oso goxua zegoen, agian bazkariko hoberena izan zen.




Makailua

Honetan ere makailu dezente atera ziguten, asko ez esateagatik. Zapore apur bat falta zitzaion, eta agian zati batzuk pixkat gatzatuak zeuden (beste batzuk ez), baina orokorrean oso ondo zegoen. Berakatz zati frijituak zituen, baina nahiko gogorrak zeuden.




Txuleta

Bi txuleta atera zizkiguten (4 lagunentzako), tamaina ertainekoak. Lizeagan atera zigutenaren oso-oso antzekoa zen, hau da, txuleta bat txuleta izateko gutxienez horrelakoa izan beharko litzateke. Zati batzuetan, batez ere albotan, oso ondo zegoen, baina erdialdean zaporea galtzen zuen. Bi txuletak oso antzekoak ziren, bai tamainaz eta baita erre puntuan ere.






Postrea

Tipikoa jarri ziguten, intxaurrak, gazta eta irasagarra. Gazta Idiazabal zen, nahiko ondua eta zaporetsua. Bukatzeko, likor batzuk eta kafea.



domingo, 13 de abril de 2008

Petritegi Sagardotegia (Astigarraga)

Data: 2008/04/13 (igandea)
Prezioa: 25 euro
Irekiera: urte osoan irekita. Sagardoa txotxean urte osoan.
Zerbitzua: afariak egunero, igandeak izan ezik. Bazkariak larunbata eta igandetan.
Telefonoa: 943 457 188
Helbidea: Petritegi bidea. Petritegi baserria. 20.115 Astigarraga
Puntuazioa: 6/10



Petritegi Sagardotegia (Astigarraga) map

Duela urte batzuk, Petritegi "sagardotegien meka" bazen ere, gaur egun "parke tematikoa" ematen du... tradizioa dezente galdu dute, gabatxoak, umeak, turistak, eta abarretaz beterik dago, eta sagardotegietako kutsu gutxi gelditzen zaio.

Lekua

Oso berrituta dago, baina dekorazio "rustikoarekin" apaindu dute eta nahiko ondo geratu zaie. Bi jantoki nagusi dituzte, eta aparte beste pare bat txikiagoak. Bankuak dauzkate, beraz ez dago zutik jaterik.




Kupelak

Upeltegia pabiloi moduko beste sala batean dute, beste tenperatura batean, askozaz freskoagoa. 20 bat kupel dituzte, 11-12.000 litrotakoak. Aparte, horrelako beste sala bat dute, baina hori ez dute normalean irekitzen.




Sagardoa oso ondo zegoen, batez ere tenperatura oso onean zegoelako (fresko-freskoa). Aurten Elorrabin ere oso sagardo goxua zeukaten, eta Petritegikoa antzekoa zen.

Ogia

Astigarragako ogi tipikoa, normala.



Txorizoa edo aperitifa

Bai, txorizo egosi bina jartzen dituzte, oso goxua.



Tortilla

Oso goxua, eta kantitaze asko atera ziguten! Nahiko likidoa, zapore askorekin, eta 5 pertsonentzako 2 tortilla handi atera zizkiguten.




Makailua

Bazkariko hoberena izan zen, dudarik gabe! Piperrak eta tipula oso zapore ona ematen zizkioten makailuari. Gainera, tortillarekin bezala, kantitate handia atera ziguten.



Txuleta


Hemen kale egin zuten, atera zizkiguten bi txuletak oso arruntak zirelako. Haragia ez zen oso ona eta gainera eginegi atera ziguten... kolore arrosa zuen txuletak, eta ez gorria!!




Postrea

Betikoa, gehi tejak eta zigarrilloak. Gazta eta irasagarra oso goxua zegoen.






Puntuazio orokorra


6 10etik

sábado, 29 de marzo de 2008

Gartziategi Sagardotegia (Astigarraga)

Data: 2008/03/29 (larunbata)
Prezioa: 25 euro
Irekiera: urtarriletik apirila bukaera arte.
Zerbitzua: afariak egunero. Bazkariak larunbata eta igandetan. Igande gaua itxita.
Telefonoa: 943 469 674
Helbidea: Gartziategi baserria. Donostia-Astigarraga bidea 5 km. 20.115 Astigarraga
Puntuazioa: 8/10




Gartziategi Sagardotegia (Astigarraga) map

Sagardotegia Lizeaga ondoan dago (lehengusuak edo omen dira). Oso sagardotegi zaharra eta "historikoa" omen da, XVI mendetik sagardogintzan aritzen baitira. Normalean oso giro ona izaten da bertan, jende gazte asko doalako, eta honetan ere hala izan da.

Lekua

Hiru jantoki ezberdin dituzte, denak zutik egotekoak, baina nahiko elkartua dago dena eta ez du ematen bananduta dagoenik. Orain beste jantoki bat ireki dute, eskubiko aldean, eta han kupel bat paratu dute. Dekorazioa nahiko autentikoa da, egurra eta harriekin.


Kupelak

Egurrezko hamar bat dituzte, eta kanpoaldean beste lauzpabost inosidableak. Orokorrean nahiko sagardo fina zen, batez ere inosidableena, fresko-fresko zegoen eta. Aurtengo batez besteko sagardoarekin alderatuta, Gartziategikoa oso ondo zegoen.






Ogia

Nahiko ogi "rustikoa" zen. Ez zen Astigarragan normalean jartzen dutena (ez zaigu asko gustatzen) baina ogi hau bai, oso goxua zegoen.


Txorizoa edo aperitifa

Ez dute jartzen

Tortilla

Oso tamainu handikoak jarri zizkiguten... gainera, oso ona zeuden, makailu eta tipul dezenterekin, eta oso zapore goxuarekin.



Makailua

Honetan ere oso plater handia atera ziguten, kristona! Oso makailu goxua zen, ez Astarbekoa bezalakoa, baina hala ere oso ona. Tipula eta piperrak kategoriakoak ziren!!


Txuleta

17 lagunentzako 7 txuleta atera zizkiguten, hasieran 5 eta gero beste 2. Hasierako bostak oso onak ziren, Goiko Lastolaren parekoak: oso haragi ona, samurra (mantekilla bezalakoa)... nahiz eta egin gabe egon, ia odolik ez zuen ateratzen (haragi onaren seinale)







Postrea

Betikoa, hau da, irasagarra, intxaurra eta gazta. Gazta Idiazabal zen (bekaldean zigilua ikusten da). Zaporez nahiko arrunta zegoen postrea, ez zegoen ezer berezirik.





Faktura




Puntuazio orokorra


8 10etik